روحنا لمتخصص وسألناه عن تجربة افضل وانسب اماكن لقضاء شهر العسل وأجازة العيد فى مصر وتم تصفية الاجابات والمناقشة ووضعها بين يديك لتساعدك فى اختيار افضل وانسب اماكن لقضاء شهر العسل أو اجازة العيد فى مصرعلى موقع تجارب كوم .
سؤال التجربة: افضل وانسب اماكن لقضاء شهر العسل وأجازة العيد فى مصر؟
ياريت كل واحد يقول تجربته أو يقولنا وجهه نظره في افضل وانسب اماكن لقضاء شهر العسل وأجازة العيد فى مصر ؟
عرسان كتير اوى معندهمش الخبرة امتى و ازاى وفين يقضى شهر العسل أو اجازة العيد ويستمتع بيه فى مصر .. الموضوع دا هدية منى لكل عريس وعروسة واتمنالهم حياه سعيدة ان شاء الله الموضوع طويل شوية بس مفيد لاى حد عاوز يستمتع فى بلده مصر :)
اولا لازم تعرف ان فى اماكن كتيير جدا ممكن تقضى فيها شهر العسل أو اجازة العيد فى مصر ولكن اختيار التوقيت المناسب هو الاهم عشان تستمتع صح .
الموضوع دا لاسماء المناطق التى يفضل زيارتها والتوقيت المناسب للزيارة وليس لاسماء فنادق .. اما لافضل الفنادق واسمائها يفضل زيارة موقع بوكينج او اى شركة سياحة .
موضوعنا دا لاشهر الاماكن وافضلها ال ممكن تزورها فى شهر العسل أو اجازة العيد ويكون فيها خصوصية ومتعة وغير مرهقة مرتبة بالترتيب الزمنى الافضل للزيارة من حيث الطقس .
اولا : شهر العسل أو اجازة العيد فى الشتاء :
افضل واروع الاماكن فى مصر لقضاء شهر العسل أو اجازة العيد فى البرد هى النوبة واسوان والاقصر وممكن تعمل فيها اكتر من مبرنامج بس اهم حاجتين ممكن تعملهم هناك :
1 . قضاء شهر العسل أو اجازة العيد فى رحلة نايل كروز بين الاقصر واسوان ودى بتكون لمدة اربع ايام وبتكون شاملة كل المزارات ودى ممتعة جدا جدا ومناسبة لشهر العسل أو اجازة العيد .. وممكن وانت فى الاقصر هتركب بالوان مع شروق الشمس فى الاقصر ودا بيتكلف حوالى من 300 الى 500 ج للفرد .. وممكن تخد فلوكة فى الاقصر وتزور جزيرة الموز هتكلفك حوالى 100 ج الفلوكة كلها .. وفى اسوان ممكن تعمل رحلة بالفلوكة للنوبة وتستمتع بالبيوت النوبية هناك ونهر النيل والجندل ودى هتكلفك حوالى 150 ج للفلوكة .
2 . قضاء شهر العسل أو اجازة العيد فى رحلة النوبة والاقامة ببيوت النوبة .. وطبعا دى هتكون رحلة شهر عسل مميزة جدا لانك هتعيش جو مختلف مع ناس طيبين .. هناك هتنزل فى فندق نوبى او ممكن فى اسوان وهتكون على النيل ليل ونهار وانت هناك هتزور متحف النوبة والسد االعالى ومعبد فيلة وممكن تاجر عربية وتطلع يوم على معبد ابو سمبل وهتكون اجمل زيارة تاريخية فى حياتك .. وياريت وانت رايح معبد ابو سمبل تروح يوم خميس او جمعة وتحضر هناك الصوت والضوء لانه مبهر جدا جدا :)
من اماكن شهر العسل أو اجازة العيد المميزة فى الشتا لو عاوز مكان قريب من القاهرة (قرية تونس) على ضفاف بحيرة قارون ودى للاستجمام وهى عبارة عن قرية ريفية فيها فنادق بسيطة وممكن وانت هناك تعمل سفارى وادى الحيتان (العربية ايجارها حوالى 1000 ج فى اليوم) .
3 . من الاماكن الحلوة اوى فى الشتا برضو هى واحة سيوة وتعملك رحلة سفارى محترمة لبحر الرمال الاعظم وفى الواحة هناك فى مجموعة اوتيلات منها ال سعره معقول ومتوسط ال ممكن يكون اليوم للغرفة الدبل فيها مثلا ب 500 ج وعندك فى فنادق بيئية وتجربة مختلفة الغرفة فى اليوم هناك ممكن توصل ل 1000 دولار .
ثانيا : شهر العسل أو اجازة العيد فى الصيف :
لو مهتم جدا بالجو ويفرق معاك انك تقعد فى مكان فيه خصوصية مع جو هوا حلو على البحر ومافيش حر يبقى عندك الساحل الشمالى وسيدى عبد الرحمن والعلمين دول افضل اماكن فى مصر اثناء الصيف لقضاء شهر العسل أو اجازة العيد وهناك ممكن تنزل فى فندق او تاجر شاليه فى مارينا او اى قرية او منتجع سياحى .. وغالبا هتكون رحلة للبحر والبلاج وبس :)
ثالثا : الاماكن الاكثر شهرة والتى تناسب فصلى الصيف والشتاء :
1 . قضاء شهر العسل أو اجازة العيد فى الغردقة وهناك ممكن تنزل فى مكان من ثلاثة :
* سهل حشيش وهو عبارة عن مجموعة فنادق فخمة على البحر بعد مدينة الغردقة يتميز بالهدوء والخصوصية والفخامة والرفاهية .
* الجونة وهى عبارة عن قرية سياحية كبيرة على البحر بها مجموعة فنادق وشاليهات من 3 نجوم الى 5 نجوم وتتمتع ايضا بالخصوصية والرفاهية .
سواء كنت فى الجونة او سهل حشيش ممكن تنفذ برنامج ترفيهى كامل فى الغردقة
2 . قضاء شهر العسل أو اجازة العيد فى شرم الشيخ :
وهناك ممكن تعمل حاجات كتيرة جدا خصوصا ان انك فى مدينة من اجمل 10 مدن فى العالم فيها مزارات كتيرة جدا
3 . قضاء شهر العسل أو اجازة العيد فى العين السخنة :
وهناك هتحجز فندق على البحر مباشرة للهدوء والاستجمام والحاجة ال ممكن تعملها هناك انك ممكن تحجز رحلة بحرية باليخت فى السخنة هتكلفك حوالى 120 ج للفرد وممكن تركب تليفريك فى بورتو السخنة وباقى الوقت هيكون للبحر والاستجمام وانصحك تعمل غطس هناك مع الفندق او مع اقرب مركز غطس مش هيتجاوز 300 ج للغطسة .
رابعا :اماكن يفضل زيارتها فى شهور الربيع والخريف أو اجازة العيد :
1 . قضاء شهر العسل أو اجازة العيد فى مرسي علم :
(يفضل زيارتها فى الربيع او الخريف) وهى مدينة ساحرة الجمال تابعة لمحافظة البحر الاحمر بها مجموعة فنادق تتميز بشواطئها البكر الوهمية .. وهناك ممكن تعمل رحلات برية لجزر قلعان الرملية وكمان ممكن اوى تزور محمية وادى الجمال ومجموعة شواطئ عالمية مشهورة بتواجد الدلافين وحيوان الاطوم البحرى وطبعا وانت هناك متنساش تخرج سهرة للعشا البدوى فى الجبل .. وكمان مهم جدا تعمل رحلة الغواصة من بورت غالب لانها رائعة جدا . وكل الرحلات دى بيتم تنسيقها وحجزها مع الفندق ال انت نازل فيه او من خلال اى مكتب تنظيم رحلات فى مرسى علم :) .
2 . قضاء شهر العسل أو اجازة العيد فى دهب وطابا :
ودول بقى لو انت بتحب او غاوى هدوء وطبيعة وبساطة وانت فى دهب انصحك جدا انك تعمل رحلة باللانش السريع او بالجمل لمحمية ابو جالوم وانت فى طريقك هتعدى على البلو هول .. وكمان انصحك جدا لو انت فى الشتا اوعى تفوت سفارى محمية طابا للوادى الملون والوادى الابيض ودى بتطلع من دهب فى حدود 250 ج للفرد .. ولو انت فى طابا او عديت عليها متنساس وانت فى طريقك تقف عند خليج الفيورد تتصور وكمان لو ينفع تروح قرية صلاح الدين وتروح تخد المركب من القرية الفرد ب 35 ج وتزور جزيرة فرعون وقلعة صلاح الدين هناك وممكن تحجز مع الفندق بتاعك رحلة بحرية يوم كامل باليخت تلف فيها بحر طابا وتتفرج على الشعاب المرجانية هناك وهتكون فى حدود 350 ج للفرد .
فى حاجة مهمة جدا جدا جدا ودا بناء عن تجارب كتير اثناء قضاء الرحلات داخل مصر :
لو انت متجوز فى افضل شهور فى السنة ال هما شهور ( 3 و 4 و 10 و 11 ) دول شهور الربيع والخريف ودول انسب توقيت للخروج والمتعة فى جو معتدل فى مصر انصحك تتجه دايما لمرسى علم او دهب وطابا لان جوها مناسب اكتر للجو الربيعى والخريفى اكتر من الصيف او الشتا بكتير
ملحوظة : هتلاقى لاغلب الاماكن ال اتذكرو هنا فى البوست صورة مكتوب عليها اسم المكان ادخل على الصور واتفرج بنفسك :
 |
| هوليود شرم الشيخ |
 |
| من داخل غرفه اثناء النايل كروز |
 |
| البالون --- الاقصر |
 |
| النوبة ـ جنوب مصر |
 |
| محمية راس محمد |
 |
| بحر الرمال الاعظم -- سيوه |
 |
| سهل حشيش --- الغردقه |
 |
| النوبه جنوب مصر |
 |
| جزيرة توبيا --- سفاجا |
 |
| البحيرة المسحوره -- الفيوم |
 |
| واحة سيوه |
 |
| الف ليله وليله -- شرم الشيخ |
ودى كانت جملة من التجارب والاراء للشباب من الجنسين على سؤالنا فى التجربة على موقعكم تجارب كوم انت كمان ممكن تضيف تعليقك على الموضوع فى الاسفل