 |
| اجمل تجارب الحب والزواج | انت ازاى اتعرفت على مراتك وانتى يامدام عرفتى جوزك ازاى ؟ |
هنا فى موقع تجارب كوم كان سؤال تجربتنا : اجمل تجارب الحب والزواج | انت ازاى اتعرفت على مراتك وانتى يامدام عرفتى جوزك ازاى ؟ وتم تصفية اهم الاجابات ووضعها بين يديك لتساعدك على موقع تجارب كوم تم تقسيم الاجابات كل تجربة ورأى فى فقرة اى ان كل فقرة تعبر عن راى شخص واحد فقط
سؤال الموضوع :
اجمل تجارب الحب والزواج | انت ازاى اتعرفت على مراتك وانتى يامدام عرفتى جوزك ازاى ؟
ودى كانت الاجابات ووجهات النظر حول الموضوع
في معرض الكتاب كنت بشتري كتاب إنجليزي من السور، ومكانش فيه غير النسخة دي.. حطتها قدامي، ووقفت أطلع الفلوس، جه مسكها وبيقول أخيرا وبيسأل بكام.. قولتله دي بتاعتي، قالي دفعتي تمنها؟ قلتله هدفع.. المصيبة اني مكانش معاايا فلوس تكمل وقف يبصلي وهو مبسوط فيا وبعدين فضلنا واقفين وأنا متعصبة لحد ما دفع الباقي، واتعرفنا، وبقى الكتاب بتاعنا احنا الاتنين.. قريته الأول وبعدين اتقابلنا عشان أديهوله.. وبعد 3 شهور اتخطبنا..
كنت بعمل تحاليل وآشعة، عشان اعرف لو الورم اللي عندي خبيث ولا حميد.. كان ممرض هناك، وكنت بحسبه دكتور.. لما الآشعة طلعت وطلع حميد، كان هناك، ولقيته جه كلمني.. وعملت عملية، كان بيخفف عني طول الفترة دي.. وأنا كنت منهارة أصلا بعد ما خفيت جالي البيت، وقابل خالي، واتخطبنا وكاتبين كتابنا من أسبوع.
اول ندوة شِعر ليا شفته عادي وصحابنا عرفونا علي بعض فـ سلمت بإستعجال وعدم اهتمام لإني كنت مستعجله جداً فـ حسيت بقلة ذوق مني ، روحت ابعتله رساله تاني يوم اقوله معلش كنت مستعجله وكده لقيته بعتلي رساله فـ نفس التوقيت بيقولي مالحقناش نتكلم امبارح وفضلنا نتخانق مين اللي بعت الاول لان الرسالتين كانوا فـ نفس الوقت بالظبط واتجوزنا ومعانا كارما 20 يوم
صدفة عالفيس بوك وبعدين اتعرفنا وطلع من بلدي ونعتبر من شارع واحد بس طبعا عمري ماشوفته قبل كدا واهلينا يعرفو بعض واتخطبنا واتجوزنا ومعانا حازم دلوقت
واحده قريبه قالتلو عليا هي كانت صاحبت اختي بس قالتلو خلي بالك انها مغروره ومتكبره شويه ماتحاولش تكلمها الا لو هتروحلها لاهلها هو قعد يراقبني ع الفيس وكان من بلدي وقعد يراقبني كل ما اروح حته وانا مكنتش اعرفه اصلا وبعدين لقيت ابويا بيقولي في واحد عاوز يخطبك وجه البيت وانا مكنتش طايقاه خالص وقعدت اقول لامي لا لو اخر واحد مش هتجوزه ف بابا قاله اني مش موافقه وبعدين هو قال لابويا خليني اقعد معاها مره كمان بس لو رفضدت تاني خلاص. وجه تاني وقعدنا بس كنا لوحدنا فهو كان ع طبعته اكتر واتكلم ف شويه حجات خليتني احس اني حبيته فجاه ومعرفش ازاي ولا ايه اد حصل بس حسيت انه هو انا ده انا. وبعدين قام وهو بيقول لبابا هسيبها تفكر تاني محستش بنفسي الا وانا بقوله انا موافقه وبس وادينا متجوزين بقالنا سنه ونص
احنا الاتنين بنكره الجواز، أبويا حلف عليا لازم أقابل العريس اللي جاي، واللي عرفت بعد كده انه كان جاي غصب عنه أصلا.. وكان حالف انه هيروح المشوار ده ومنه يحضر شنطته ويسافر. لكم أن تتخيلوا بقا كان شكلنا احنا الاتنين عامل ازاي، وناويين نطفش بعض ازاي! أول ما دخلت واتعرفت على أهله، والأهل قعدوا يتعرفوا على بعض.. أنا وهو بصينا لبعض، فكنت مكشرة، وهو جه مقلد حركة وشي، فضحكنا احنا الاتنين في نفس الوقت! فجأة كله سكت.. وبعدين قالوا هنخرج ونسيبكم تتكلموا شوية، قعد أهلنا في الصالة، وفضلنا احنا قاعدين ساكتين في الأول.. بعدين بدأ يتكلم، وبدأت أتكلم.. احنا الاتنين بنقول كلام غريب، وبنتهته، وبنضحك.. وبعدين عادي خالص سيبنا من حرب هل تعلم، وجو من سيربح المليون ده.. قعدنا نتكلم عادي عن فيلم احنا الاتنين بنحبه، وبعدها الكلام جاب بعضه كتير.. لدرجة اننا قومنا واحنا مخلصناش كلام أصلا عن شغله، وشغلي... بعدها قعدنا تاني سوا.. ومرة تالتة.. ومرة رابعة.. إحنا من يومها مش بنبطل كلام.. ومش بنبطل ضحك.. عمري ما كنت هتجوز بجد ولما جالي كان عندي 29 سنة، وهم كان 32 سنة ومش عاوز يتجوز .. بس دلوقتي متجوزين من سنتين ومستنيين بنوتة.
كنت بعمل تحاليل وآشعة، عشان اعرف لو الورم اللي عندي خبيث ولا حميد.. كان ممرض هناك، وكنت بحسبه دكتور.. لما الآشعة طلعت وطلع حميد، كان هناك، ولقيته جه كلمني.. وعملت عملية، كان بيخفف عني طول الفترة دي.. وأنا كنت منهارة أصلا بعد ما خفيت جالي البيت، وقابل خالي، واتخطبنا وكاتبين كتابنا من أسبوع.
اول ندوة شِعر ليا شفته عادي وصحابنا عرفونا علي بعض فـ سلمت بإستعجال وعدم اهتمام لإني كنت مستعجله جداً فـ حسيت بقلة ذوق مني ، روحت ابعتله رساله تاني يوم اقوله معلش كنت مستعجله وكده لقيته بعتلي رساله فـ نفس التوقيت بيقولي مالحقناش نتكلم امبارح وفضلنا نتخانق مين اللي بعت الاول لان الرسالتين كانوا فـ نفس الوقت بالظبط واتجوزنا ومعانا كارما 20 يوم
صدفة عالفيس بوك وبعدين اتعرفنا وطلع من بلدي ونعتبر من شارع واحد بس طبعا عمري ماشوفته قبل كدا واهلينا يعرفو بعض واتخطبنا واتجوزنا ومعانا حازم دلوقت
واحده قريبه قالتلو عليا هي كانت صاحبت اختي بس قالتلو خلي بالك انها مغروره ومتكبره شويه ماتحاولش تكلمها الا لو هتروحلها لاهلها هو قعد يراقبني ع الفيس وكان من بلدي وقعد يراقبني كل ما اروح حته وانا مكنتش اعرفه اصلا وبعدين لقيت ابويا بيقولي في واحد عاوز يخطبك وجه البيت وانا مكنتش طايقاه خالص وقعدت اقول لامي لا لو اخر واحد مش هتجوزه ف بابا قاله اني مش موافقه وبعدين هو قال لابويا خليني اقعد معاها مره كمان بس لو رفضدت تاني خلاص. وجه تاني وقعدنا بس كنا لوحدنا فهو كان ع طبعته اكتر واتكلم ف شويه حجات خليتني احس اني حبيته فجاه ومعرفش ازاي ولا ايه اد حصل بس حسيت انه هو انا ده انا. وبعدين قام وهو بيقول لبابا هسيبها تفكر تاني محستش بنفسي الا وانا بقوله انا موافقه وبس وادينا متجوزين بقالنا سنه ونص
احنا الاتنين بنكره الجواز، أبويا حلف عليا لازم أقابل العريس اللي جاي، واللي عرفت بعد كده انه كان جاي غصب عنه أصلا.. وكان حالف انه هيروح المشوار ده ومنه يحضر شنطته ويسافر. لكم أن تتخيلوا بقا كان شكلنا احنا الاتنين عامل ازاي، وناويين نطفش بعض ازاي! أول ما دخلت واتعرفت على أهله، والأهل قعدوا يتعرفوا على بعض.. أنا وهو بصينا لبعض، فكنت مكشرة، وهو جه مقلد حركة وشي، فضحكنا احنا الاتنين في نفس الوقت! فجأة كله سكت.. وبعدين قالوا هنخرج ونسيبكم تتكلموا شوية، قعد أهلنا في الصالة، وفضلنا احنا قاعدين ساكتين في الأول.. بعدين بدأ يتكلم، وبدأت أتكلم.. احنا الاتنين بنقول كلام غريب، وبنتهته، وبنضحك.. وبعدين عادي خالص سيبنا من حرب هل تعلم، وجو من سيربح المليون ده.. قعدنا نتكلم عادي عن فيلم احنا الاتنين بنحبه، وبعدها الكلام جاب بعضه كتير.. لدرجة اننا قومنا واحنا مخلصناش كلام أصلا عن شغله، وشغلي... بعدها قعدنا تاني سوا.. ومرة تالتة.. ومرة رابعة.. إحنا من يومها مش بنبطل كلام.. ومش بنبطل ضحك.. عمري ما كنت هتجوز بجد ولما جالي كان عندي 29 سنة، وهم كان 32 سنة ومش عاوز يتجوز .. بس دلوقتي متجوزين من سنتين ومستنيين بنوتة.
 |
| اجمل تجارب الحب والزواج | انت ازاى اتعرفت على مراتك وانتى يامدام عرفتى جوزك ازاى ؟ |
كنت لسه متخرج، وبدأت أدي دروس، كان بيني وبينها 5 سنين، هي كانت في ثانوي وأنا كنت بخطب.. 3 مرات تقريبا والموضوع مبيكملش مش فاهم فيه ايه بعد سنتين قابلتها بالصدفة كانت في الكلية وماماتها معاها مامتها عزمتني على الغدا رحت مع امي وقعدة الشاي بعد الغدا قرينا الفاتحة واتجوزنا بعد ما خلصت كلية وبنشتغل سوا في نفس المدرسة
من ابتدائي مامتها كانت بتديني درس لحد 3 اعدادي... كنت بروح البيت باخد الدرس عندهم.. هي أصغر مني بس كانت بتقعد معانا في الدرس.... كنت فاشل يمكن عشان كنت بفضل مركز معاها مش مع المدرسة مع اني كنت برئ بس كنت بحبها بجد وبحب انها ذكية واشطر من كل اللي اكبر منها في المجموعة ثانوي وكلية كنت بسمع اخبارها بس مش بشوفها ومعرفش شكلها بقى ازاي ومرة كنت مروح مرة بالليل ولقيت واحدة واقفة مش لاقية مواصلات فركبتها التوك توك معايا وكانت مرعوبة ففضلت ساكت لما جات تنزل بصت شفتها مبقتش عارف هي ولا لا مخدتش بالها انا مين أصلا بعدها باسبوع اتقابلنا تاني ... ونوستاليجا ابتدائي واعدادي واحساس اني مبسوط عشان شفتها ده رجع قلت لأبويا مش هخطب حد تاني غيرها ... ودلوقتي عندنا ملك
كنت ف الموصلات وبطلع فلوس علشان ادفع وهو قاعد جمبي فجأه مش لاقيت الفلوس ف الشنطه افتكرت اني نسيت باقي 200 عند السوبر ماركت وكنت محروجه جدا وكان لازم ادفع لاقيته هو طلع وقال للسواق اتنين من 50 يسطا لو سمحت وبصلي وقالي متدفعيش انا دفعتلكك مش عارفه عرف ازاي يمكن حس المهم قولتله متشكره جدا طاب ينفع اشوفك تاني علشان اديك الفلوس طبعا قالي لا فلوس اي احنا اخوات وطلع رقمه وقالي علشان لو احتاجتي اي حاجه حطيت رقمه ف الشنطه وركنتها ونسيته خمس شهور بطلع الشنطه لاقيت الرقم طلعته ابتسمت وافتكرت الموقف وكنا داخلين علي العيد كلمته وفكرته بيا وقولتله كل سنه وهو طيب فضلنا نتكلم لحد العيد واتقابلنا وبقينا اصحاب وحبينا بعض وناو احنا مخطوبين من 3 شهور ربنا يحفطه ليا
هي ذكرى سيئة للأسف... أنا كنت ماشية في حالي وفجأة ولد بموتسيكل غبي جه قرب مني وشدني ومشي... وبصلي بيضحك وأنا مش مستوعبة اللي حصل اصلا وهعيط والناس ولا هم هنا فضلت واقفة متنحه وهعيط خلاص وعاوزة اشتمه واجري وراه لقيته وقع .. واحد قدام وقعه من الموتسيكل وقعدوا يتخانقوا ولقيته جايبه من قفاه وبيقوله اعتذرلها ... والناس بتقوله سيبوه ... والواد بيبجح فيه بس مكنش قادر يعمله حاجة.. اعتذرلي وقالي لو عاوزة تعملي محضر مكنتش في موقف يسمحلي اعمل حاجة مكنتش قادرة اساسا اقف على رجلي من كتر الرعب اللي انا فيه لقيت اخت الولد اللي مسكه جايه وقفت معايا هو وهي وركبوني ووصلوني البيت.. هي بقت صاحبتي جدا.. واتعرفت على ماما وهو اتعرف على بابا واخويا لما عرفوا الموقف اللي عمله معايا وبعدها في خطوبة اخته.. قالي هسألك حاجة.. ولما وافقت كلم اخويا.. واتقدموا.. بقالنا 3 سنين متجوزين.. دايما بقوله انت دعوة أمي ليا إن ربنا يوقف في طريقي ولاد الحلال
في يوم صحيت من النوم الساعه 5 الفجر، على صوت اخواتي و بابا و ماما بيصوتوا.. أخويا كان مرمى على الأرض و جاله تنشنجات غريبه!.. شلت اخويا و نزلت أجرى بيه في الشارع ب بيجامه البيت، بابا و ماما نزلوا ورايا و رحنا المستشفى، دخلت غرفه الطوارئ و اخويا في حضني و عماله اعيط من خوفي عليه، لاحظت واحد رايح جاي أدام الباب كتير.. بس مكنتش مركزه اوي.. كان كل تركيزي ف اخويا.. ولحد ما إدراة المستشفى جهزت لنا غرفه في المستشفى فوق.. طلعنا! و لاقيت بنت من التمريض في الطوارئ طالعه ورانا و بتسأل ماما عني! عندها كام سنه؟! كلية ايه! طب مخطوبه!!!.. أصل في حد شافها و عايز يتقدملها!! طبعا قابلت الموقف باستغراب و استهجان شديد!! بس هو ده كان نصيبي بعد ناس كتير رفضتها!! و بعد كسرت قلب و وجع فضلت عايشه فيه نتيجة علاقه انتهت! .. عرفت بعدها أن هو كمان مكنش موجود في المستشفى، هو كمان صحوه من النوم و استدعوه لحاله طوارئ كانت موجوده قبل ما نوصل! عرفت بعدها إن هو كمان عايش بوجع علاقة قبلي! و أدينا أهو بنتعجز على بعض.. بنحاول نداوي في بعض.. نصيب! و على فكره فرحنا الشهر الجاي إن شاء الله أحمد بقى هو كل دنيتي فعليا!!
كنت لسه ف اخر رابعه وهو امتياز وكان عندي امتحان جراحه عملي وتقريبا الوقت خلاص راح عليا اني ادخل فقعدت اعيط عشان حظي النحس وهوالحمد لله دخلني وبعدها اتعرفنا ع بعض واتخطبنا
حلمت بيه من قبل ما اشوفه ، بعدها بسنتين عدى من جمبي صدفه وشدني ريحة برفانه واستعجبت لأن شكله لسه ف بالي من الحلم ، ومشيت ، بعدها ب 7 ايام كنت ف مكان ما وهمشي حاجه جوايا قالتلي استنى شويه واستنيت لقيته داخل ويشاء الله ان وقتها يجمعنا شغل واحد بمعجزه وبدون اي ترتيب او قصد ، بس
كنا زمايل في الشغل وعمري مشوفته خالص كان بيجي شيفت بلليل وانا الصبح اللي هو مستحيل اشوفه .. وفي يوم كان عندنا ترينينج وهو اللي كان بيجمع الناس عشان ناخد الترينينج جه وانا وسط مجموعة بنات كتير قالي انتي فلانة ؟ - ميعرفنيش خالص ولا عمره شافني - قلتله اه قالي تعالي room كذا عشان الترينينج روحت وبالصدفة كنا احنا الاتنين علي جهاز واحد بنتدرب وقعدنا نتكلم ونهزر واتعرفنا ،، فضل يراقبني في صمت ٤ شهور بعدها من غير كلام الا سلامات من بعيد بس وجه كلمني في ارتباط واول زيارة لبيتنا مع اهله كانت قراية الفاتحة واتجوزنا بقالنا ١٠ شهور
-
ف ترننج ف الشركة..هو مديره كدره و كتب اسمه ووداه عافية و انا مديري كدرني و كتب اسمي ووداني بالعافية و كنا احنا الاتنين داخلين مش طايقين نفسنا و تقابلنا هناك بقى
اتقابلنا ف شغلى كان عميل جاى وعنده مشكله وحاولت اساعده واديته ال business card بتاعتى وفضل متابعنى وبيجى المكان كل شويه عشان يشوفنى وبعتلى رسايل كتير ع الواتس اب واتكلمنا وكان بيعملى مفاجأت كتير وكنت متشابهين ف التفكير وكنا بنهزر ونضحك وكان بيشاركنى لحظاتى الحلوه اكتر مره حسيت فيها انه بيحبنى بحد لما عيطت وانا بكلمه مره عشان كان فيه مشكله ساب شغله وسافر وجالى وقالى متزعليش انا جمبك بس للاسف خلاص مسافر دلوقتى برا وهيقعد ٥ سنين وكل حاجه انتهت كان نفسى نكمل بس كل الظروف بتقول مش هينفع..
في يناير الثورة.. نجينا من الموت سوا، ومن مشاكل مع أهالينا بعد كده، اتخطبنا، بس اعتقل من 3 سنين.. بعد سنة قالوا مش عارفين مكانه، السنة التانية قالوا مات.. ورجعوا قالوا لا ده عايش... إدعولي.. إدعوله هو..
أنا اتأخرت في الزواج -زي ما الناس كانت بتقول- وصلت لسن 34 سنة... كان بيتقدملي ناس كتير على عكس المتوقع بس اللي أرمل وعنده أولاد وهدف زواجه إني أربيهم واللي عنده 60 سنة وهكذا اترقيت في شغلي ونقلت فرع الشركة التاني.... هناك قابلته عنده 35 سنة كان مدير قسم التسويق... كل شوية كان بيجمعنا شغل... وبعدها جمعتنا مشاكل الشغل ومرضت في مرة مقدرتش أروح 3 أيام.. جمع الفريق كله وناس كتير من الشركة وزاروني كإنه عيد ميلادي .. بعدها كلمني في الموضوع واتجوزنا.... وبحمد ربنا عليه.... كان له حكمة في إني أستنى الشخص ده بالتحديد
انا بقا كانت جوازه سياسيه بحته اتقابلنا في الانتخابات هو كان تبع حزب وانا تبع حزب تاني خالص واول مره شفته كان في مؤتمر والحمد لله بعد الجواز اعتزلت السياسه خالص وهو بقا رئيس جمهورية البيت
قعدنا في الكلية ٤ سنين زمايل بس مش اكتر و بعد الكلية ٣ سنين متكلمناش و اتقبلنا صدفة بعدها و بدأ يبقى في كلام من تاني و اكتشفت اللي كان ناقص في حياتي انها بتكمله و اتخطبنا و ربنا يجعلها شريك صالح ليا و يجعلني سند صالح لها
طلعت من تجربة مريرة استنفذت كل طاقة فيا من مال وصحة وسنين من عمرى ضاع فيها حلم حياتي أنى اكون ام قعدت عند اخويا لقربة من شغلى كنت ببص للسما واكلم ربنا واقوله يارب أنت اللى هتعوضلى صبرى ووجعى ومليش غيرك يا رب يتيمه لا ام ولا اب اتمسكت بالقرأن ولقيت نفسي بحب الوحدة وكنت بكثر من صلاة القيام واعيط واكلم ربنا واقوله ( يا ارحم الراحمين يا ارحم الراحيمن ) وبس ومعرفش اكمل دعا صحيت زى كل يوم ورحت الشغل لقيت صحبتى بتقولى عندى عريس ليكى هو صاحب جوزى هو كمان مر بتجربة مريرة ضيعت عليه سنوات من عمرة ونفسه يكون أب قولتلها لا قالتلى معلش شوفيه وبعدين ارفضى اخدت رقم اخويا منى وقالتلى علشان يعرفوا منه العنوان وفى يوم جه جوز صحبتى ومعاه صاحبه واخويا وصفلهم البيت وقال ينزل الشارع يستقبلهم لقيت اخويا طالع ومعاه الضيوف وضحك وهزار وصوت عالى وطلع العريس كان صاحب اخويا من ايام الجامعة وبعد سلامات و كدة اخويا نادى عليا وطلعت وقالى: دة احسن انسان ممكن تقابليه في حياتك زميلى من ايام الجامعة وبقالنا عمر وسنين كتير ما شفناش بعض العريس بصلى ولقيت الفرحة في عينيه وأنا كمان ارتحت له وابتسمت واتخطبنا واتجوزنا والحمدلله دلوقتي انا حامل وبطلب من ربنا انه يقومنى بالسلامة ويكرمنى انا وجوزى اللى اتحرمنا من الخلفة سنين كتير بسبب ناس استنفذت مننا عمرنا وضيعت حلم اننا نكون أم واب وجوزى ربنا يباركلى فيه هو عوض ربى الجميل ليا ربنا ما يحرمني منه ويقدرنى أنى اجبله الذرية الصالحة اللهم أمين
مريت بأصعب تلت سنين في حياتي في جوازتي الاولي وصبرت وبقول معلش عشان ابني بس وصلت لمرحلة اني خلاص مش قادرة اكمل ورفعت قضية خلع وانا بتقطع ع ابني انه مش هيتربي بين امه وابوه ومريت بمرحلة صعبة جدأ بعدها وبعدين اتعرفت ع واحد ع الفيس صدفة وكان في نفس الجروب اللي انا فيه كنا بنتكلم كأصدقاء في الاول وحكيتله كل حاجة عني وهو كمان حكالي كل حاجة عنه وحبينا بعض من غير حتي ما اسمع صوته ولا يسمع صوتي بس لا انا قولتله بالرغم انه ماسبقش ليه الجواز قبلي ولا هو قالي والموضوع اخد الجدية وشوفنا بعض وحبينا بعض اكتر واكتر واتجوزنا بعيد عن اي تكاليف بابسط الاشياء وجبنا كل حاجة واحدة واحدة لحد ما بقي مش ناقصنا حاجة ودلوقتي معانا عدي واياد وابني من جوزي الاول بيعامله احسن من اخواته وعمره ما زعله وكل طلباته مجابة خاصة بعد ما بقي يتيم لان باباه مات السنة اللي فاتت جوزي بقي هو ابوه وكل ماليه وعمره ما زعلني ابدأ وبيتقي ربنا فيا ربنا يخليه ليا
كنا صحاب ع حاجه زمان كده اسمها شات بيبسي قبل الفيس والكلام ده فضلنا صحاب من 2003 ولان في فارق سن بينا 6 سنين انا اكبر كنا بنحكي وبنهزر وبنتعامل اني اخته الكبيره لحد 11/4/2011 ومره واحده لقينا نفسنا قال ايه بنحب بعض ولان سنه صغير 23 سنه وعدني اننا هنبقي لبعض وفضل سنتين يشتغل ووفي بوعده واتخطبنا شهرين والحمد لله إتجوزنا بقالنا 5 سنين وربنا رزقنا بإبننا إمري ربنا يباركلي فيهم ويحفظهم من كل شر انت دعوة صالحه من ابويا وامي
اتعرفت عليه عن طريق الفون كان عِندى مشكلة مع الشركه اللي كان فيها وهو المدير اتصل يعتذر المهم عجبه كلامه وانا عجبني اسلوبه جدا جدا وكان نفسي ما يقفلش المكالمه المهم لقيته اداني رقم فونه ومن استعجالي كتبته ع شنطه خروج من عندى المهم لفت الايام وكلمني مره واحده وبعد كده مامتي توفت ما عرفش يوصلي الا بعدها بفتره ووقف معايا لحد ازمتي ما عدت وقالي انا بقولها للعالم ڱڵـه. انا بحبك وعمري ما حبيت حد زيك وبقالنا 14 سنه زواج وعمره ما غلط فيا وكان احن اب وزواج وصديق وحبيب وهو اهم شخص عندى بعد اخويا لما بتخنق من الدنيا كلها مش بلاقي غيره هو واخويا افضفض واحس براحه وجوده امان ف حياتي جدا جدا وفعلا وعدني واوفا بوعده معايا كوعد راجل عمري ما هتخلااه عنك ولا اسيبك وربنا يخليه ليه ويديله العمر والصحه
اتعرفنا علي شات فيستوك بالصدفه هيا كانت اول مره تدخل لكن انا كنت خربها في الشات بس مش عارف لقيت نفسي مشدود ليها اوي مش عارف ليه يمكن علشان حسيت انها شكلي في طريقه تفكيرى او طيبتها او خفه دمها مش عارف المهم لقيت نفسي بحبها اوي . هيا كانت رفضه موضوع الارتباط نهائي بتقولي مش عارفه انا اتعلقت بيك للدرجة دي ازاي ده لدرجه بلاقي اسمك قدامي في كل حته طلعه عن صحبتي لقيت اسمك علي الحيطه اللي جنب البوابه... بندور علي دكتور القي اسمك علي اليافطه .. المهم اعترفنا بحبنا بس مش هنقول بحبك غير لما نشوف بعض... غتاته بقا شوفتها وشافتني المهم اتصدمنا في بعض بهزر طبعا الصراحه طلعت اجمل من مكنت اتخيلها بمراحل اما بالنسبالي فهيا اتصدمت فيها بس عادي مبيهمنيش المهم قعدنا فتره مع بعض وحبيت اخد خطوه لقدام اتفقنا علي حاجات علشان هيا المفروض متعرفنيش خالص وعملنا شويه مغامرات لغايه ما كنت قاعد معاهم في البيت هيا وابوها وامها واخواتها.. الصراحه ناس طيبين اوي وناس تتحب بدون سبب رغم انهم حرموني منها... بس تاتي السفن بما لا تشتهي الانفس طبعا مافيش فيك سبب للرفض خالص غير اولا جرائتك وثانيا انت من بلد تانيه صعب نبعد بنتنا عن هنا لان ليها اخ وحيد... طبعا اتصدمت ومش عارف اعمل ايه وطبعا هيا بنت متقدرش تعند علي اهلها او حتي تقول انها تعرفني خصوصا لانهم من الصعيدي طبعا حولت ابعت ناس لكن اهلها مصرين علي موقفهم طلما مش هتقعد هنا... طبعا كل فتره تتكلم وتعيط وانا بردوا بس انا بكتم في قلبي علشان مزودش اللي هيا فيه وبفضل وانا اصبر فيها واقولها يا بنتي الحياة مبتقفش علي حد يا بنتي شوفي مستقبلك يا بنتي انا مافيش فيه حاجه مميزه اساسا انا مش عارف انتي بتحبيني علي ايه . طبعا هيا رفضه موضوع الجواز الارتباط وعندا على أهلها .. ربنا يسعدها يا رب ويحفظها من كل سوء ويسعدها دنيا واخره وتعدي المحنه اللي هيا فيها سواء معايه او مع غيرى ..
كان موضوع هزار واقلب جد ابن عم بابا رايح جاي يقولي عريسك عندي وانا اقوله شكرا مش عايزه ف جه ف مره معدي قالي العريس جاي الخميس لاقيت ماما وبابا بيقولولي عريس اي قولتلهم انا عارفه بقي رايح جاي يقولي عريسك عندي كبرو كبرو وكان النصيب بقي
من ابتدائي مامتها كانت بتديني درس لحد 3 اعدادي... كنت بروح البيت باخد الدرس عندهم.. هي أصغر مني بس كانت بتقعد معانا في الدرس.... كنت فاشل يمكن عشان كنت بفضل مركز معاها مش مع المدرسة مع اني كنت برئ بس كنت بحبها بجد وبحب انها ذكية واشطر من كل اللي اكبر منها في المجموعة ثانوي وكلية كنت بسمع اخبارها بس مش بشوفها ومعرفش شكلها بقى ازاي ومرة كنت مروح مرة بالليل ولقيت واحدة واقفة مش لاقية مواصلات فركبتها التوك توك معايا وكانت مرعوبة ففضلت ساكت لما جات تنزل بصت شفتها مبقتش عارف هي ولا لا مخدتش بالها انا مين أصلا بعدها باسبوع اتقابلنا تاني ... ونوستاليجا ابتدائي واعدادي واحساس اني مبسوط عشان شفتها ده رجع قلت لأبويا مش هخطب حد تاني غيرها ... ودلوقتي عندنا ملك
كنت ف الموصلات وبطلع فلوس علشان ادفع وهو قاعد جمبي فجأه مش لاقيت الفلوس ف الشنطه افتكرت اني نسيت باقي 200 عند السوبر ماركت وكنت محروجه جدا وكان لازم ادفع لاقيته هو طلع وقال للسواق اتنين من 50 يسطا لو سمحت وبصلي وقالي متدفعيش انا دفعتلكك مش عارفه عرف ازاي يمكن حس المهم قولتله متشكره جدا طاب ينفع اشوفك تاني علشان اديك الفلوس طبعا قالي لا فلوس اي احنا اخوات وطلع رقمه وقالي علشان لو احتاجتي اي حاجه حطيت رقمه ف الشنطه وركنتها ونسيته خمس شهور بطلع الشنطه لاقيت الرقم طلعته ابتسمت وافتكرت الموقف وكنا داخلين علي العيد كلمته وفكرته بيا وقولتله كل سنه وهو طيب فضلنا نتكلم لحد العيد واتقابلنا وبقينا اصحاب وحبينا بعض وناو احنا مخطوبين من 3 شهور ربنا يحفطه ليا
هي ذكرى سيئة للأسف... أنا كنت ماشية في حالي وفجأة ولد بموتسيكل غبي جه قرب مني وشدني ومشي... وبصلي بيضحك وأنا مش مستوعبة اللي حصل اصلا وهعيط والناس ولا هم هنا فضلت واقفة متنحه وهعيط خلاص وعاوزة اشتمه واجري وراه لقيته وقع .. واحد قدام وقعه من الموتسيكل وقعدوا يتخانقوا ولقيته جايبه من قفاه وبيقوله اعتذرلها ... والناس بتقوله سيبوه ... والواد بيبجح فيه بس مكنش قادر يعمله حاجة.. اعتذرلي وقالي لو عاوزة تعملي محضر مكنتش في موقف يسمحلي اعمل حاجة مكنتش قادرة اساسا اقف على رجلي من كتر الرعب اللي انا فيه لقيت اخت الولد اللي مسكه جايه وقفت معايا هو وهي وركبوني ووصلوني البيت.. هي بقت صاحبتي جدا.. واتعرفت على ماما وهو اتعرف على بابا واخويا لما عرفوا الموقف اللي عمله معايا وبعدها في خطوبة اخته.. قالي هسألك حاجة.. ولما وافقت كلم اخويا.. واتقدموا.. بقالنا 3 سنين متجوزين.. دايما بقوله انت دعوة أمي ليا إن ربنا يوقف في طريقي ولاد الحلال
في يوم صحيت من النوم الساعه 5 الفجر، على صوت اخواتي و بابا و ماما بيصوتوا.. أخويا كان مرمى على الأرض و جاله تنشنجات غريبه!.. شلت اخويا و نزلت أجرى بيه في الشارع ب بيجامه البيت، بابا و ماما نزلوا ورايا و رحنا المستشفى، دخلت غرفه الطوارئ و اخويا في حضني و عماله اعيط من خوفي عليه، لاحظت واحد رايح جاي أدام الباب كتير.. بس مكنتش مركزه اوي.. كان كل تركيزي ف اخويا.. ولحد ما إدراة المستشفى جهزت لنا غرفه في المستشفى فوق.. طلعنا! و لاقيت بنت من التمريض في الطوارئ طالعه ورانا و بتسأل ماما عني! عندها كام سنه؟! كلية ايه! طب مخطوبه!!!.. أصل في حد شافها و عايز يتقدملها!! طبعا قابلت الموقف باستغراب و استهجان شديد!! بس هو ده كان نصيبي بعد ناس كتير رفضتها!! و بعد كسرت قلب و وجع فضلت عايشه فيه نتيجة علاقه انتهت! .. عرفت بعدها أن هو كمان مكنش موجود في المستشفى، هو كمان صحوه من النوم و استدعوه لحاله طوارئ كانت موجوده قبل ما نوصل! عرفت بعدها إن هو كمان عايش بوجع علاقة قبلي! و أدينا أهو بنتعجز على بعض.. بنحاول نداوي في بعض.. نصيب! و على فكره فرحنا الشهر الجاي إن شاء الله أحمد بقى هو كل دنيتي فعليا!!
كنت لسه ف اخر رابعه وهو امتياز وكان عندي امتحان جراحه عملي وتقريبا الوقت خلاص راح عليا اني ادخل فقعدت اعيط عشان حظي النحس وهوالحمد لله دخلني وبعدها اتعرفنا ع بعض واتخطبنا
حلمت بيه من قبل ما اشوفه ، بعدها بسنتين عدى من جمبي صدفه وشدني ريحة برفانه واستعجبت لأن شكله لسه ف بالي من الحلم ، ومشيت ، بعدها ب 7 ايام كنت ف مكان ما وهمشي حاجه جوايا قالتلي استنى شويه واستنيت لقيته داخل ويشاء الله ان وقتها يجمعنا شغل واحد بمعجزه وبدون اي ترتيب او قصد ، بس
كنا زمايل في الشغل وعمري مشوفته خالص كان بيجي شيفت بلليل وانا الصبح اللي هو مستحيل اشوفه .. وفي يوم كان عندنا ترينينج وهو اللي كان بيجمع الناس عشان ناخد الترينينج جه وانا وسط مجموعة بنات كتير قالي انتي فلانة ؟ - ميعرفنيش خالص ولا عمره شافني - قلتله اه قالي تعالي room كذا عشان الترينينج روحت وبالصدفة كنا احنا الاتنين علي جهاز واحد بنتدرب وقعدنا نتكلم ونهزر واتعرفنا ،، فضل يراقبني في صمت ٤ شهور بعدها من غير كلام الا سلامات من بعيد بس وجه كلمني في ارتباط واول زيارة لبيتنا مع اهله كانت قراية الفاتحة واتجوزنا بقالنا ١٠ شهور
-
ف ترننج ف الشركة..هو مديره كدره و كتب اسمه ووداه عافية و انا مديري كدرني و كتب اسمي ووداني بالعافية و كنا احنا الاتنين داخلين مش طايقين نفسنا و تقابلنا هناك بقى
اتقابلنا ف شغلى كان عميل جاى وعنده مشكله وحاولت اساعده واديته ال business card بتاعتى وفضل متابعنى وبيجى المكان كل شويه عشان يشوفنى وبعتلى رسايل كتير ع الواتس اب واتكلمنا وكان بيعملى مفاجأت كتير وكنت متشابهين ف التفكير وكنا بنهزر ونضحك وكان بيشاركنى لحظاتى الحلوه اكتر مره حسيت فيها انه بيحبنى بحد لما عيطت وانا بكلمه مره عشان كان فيه مشكله ساب شغله وسافر وجالى وقالى متزعليش انا جمبك بس للاسف خلاص مسافر دلوقتى برا وهيقعد ٥ سنين وكل حاجه انتهت كان نفسى نكمل بس كل الظروف بتقول مش هينفع..
في يناير الثورة.. نجينا من الموت سوا، ومن مشاكل مع أهالينا بعد كده، اتخطبنا، بس اعتقل من 3 سنين.. بعد سنة قالوا مش عارفين مكانه، السنة التانية قالوا مات.. ورجعوا قالوا لا ده عايش... إدعولي.. إدعوله هو..
أنا اتأخرت في الزواج -زي ما الناس كانت بتقول- وصلت لسن 34 سنة... كان بيتقدملي ناس كتير على عكس المتوقع بس اللي أرمل وعنده أولاد وهدف زواجه إني أربيهم واللي عنده 60 سنة وهكذا اترقيت في شغلي ونقلت فرع الشركة التاني.... هناك قابلته عنده 35 سنة كان مدير قسم التسويق... كل شوية كان بيجمعنا شغل... وبعدها جمعتنا مشاكل الشغل ومرضت في مرة مقدرتش أروح 3 أيام.. جمع الفريق كله وناس كتير من الشركة وزاروني كإنه عيد ميلادي .. بعدها كلمني في الموضوع واتجوزنا.... وبحمد ربنا عليه.... كان له حكمة في إني أستنى الشخص ده بالتحديد
انا بقا كانت جوازه سياسيه بحته اتقابلنا في الانتخابات هو كان تبع حزب وانا تبع حزب تاني خالص واول مره شفته كان في مؤتمر والحمد لله بعد الجواز اعتزلت السياسه خالص وهو بقا رئيس جمهورية البيت
قعدنا في الكلية ٤ سنين زمايل بس مش اكتر و بعد الكلية ٣ سنين متكلمناش و اتقبلنا صدفة بعدها و بدأ يبقى في كلام من تاني و اكتشفت اللي كان ناقص في حياتي انها بتكمله و اتخطبنا و ربنا يجعلها شريك صالح ليا و يجعلني سند صالح لها
طلعت من تجربة مريرة استنفذت كل طاقة فيا من مال وصحة وسنين من عمرى ضاع فيها حلم حياتي أنى اكون ام قعدت عند اخويا لقربة من شغلى كنت ببص للسما واكلم ربنا واقوله يارب أنت اللى هتعوضلى صبرى ووجعى ومليش غيرك يا رب يتيمه لا ام ولا اب اتمسكت بالقرأن ولقيت نفسي بحب الوحدة وكنت بكثر من صلاة القيام واعيط واكلم ربنا واقوله ( يا ارحم الراحمين يا ارحم الراحيمن ) وبس ومعرفش اكمل دعا صحيت زى كل يوم ورحت الشغل لقيت صحبتى بتقولى عندى عريس ليكى هو صاحب جوزى هو كمان مر بتجربة مريرة ضيعت عليه سنوات من عمرة ونفسه يكون أب قولتلها لا قالتلى معلش شوفيه وبعدين ارفضى اخدت رقم اخويا منى وقالتلى علشان يعرفوا منه العنوان وفى يوم جه جوز صحبتى ومعاه صاحبه واخويا وصفلهم البيت وقال ينزل الشارع يستقبلهم لقيت اخويا طالع ومعاه الضيوف وضحك وهزار وصوت عالى وطلع العريس كان صاحب اخويا من ايام الجامعة وبعد سلامات و كدة اخويا نادى عليا وطلعت وقالى: دة احسن انسان ممكن تقابليه في حياتك زميلى من ايام الجامعة وبقالنا عمر وسنين كتير ما شفناش بعض العريس بصلى ولقيت الفرحة في عينيه وأنا كمان ارتحت له وابتسمت واتخطبنا واتجوزنا والحمدلله دلوقتي انا حامل وبطلب من ربنا انه يقومنى بالسلامة ويكرمنى انا وجوزى اللى اتحرمنا من الخلفة سنين كتير بسبب ناس استنفذت مننا عمرنا وضيعت حلم اننا نكون أم واب وجوزى ربنا يباركلى فيه هو عوض ربى الجميل ليا ربنا ما يحرمني منه ويقدرنى أنى اجبله الذرية الصالحة اللهم أمين
مريت بأصعب تلت سنين في حياتي في جوازتي الاولي وصبرت وبقول معلش عشان ابني بس وصلت لمرحلة اني خلاص مش قادرة اكمل ورفعت قضية خلع وانا بتقطع ع ابني انه مش هيتربي بين امه وابوه ومريت بمرحلة صعبة جدأ بعدها وبعدين اتعرفت ع واحد ع الفيس صدفة وكان في نفس الجروب اللي انا فيه كنا بنتكلم كأصدقاء في الاول وحكيتله كل حاجة عني وهو كمان حكالي كل حاجة عنه وحبينا بعض من غير حتي ما اسمع صوته ولا يسمع صوتي بس لا انا قولتله بالرغم انه ماسبقش ليه الجواز قبلي ولا هو قالي والموضوع اخد الجدية وشوفنا بعض وحبينا بعض اكتر واكتر واتجوزنا بعيد عن اي تكاليف بابسط الاشياء وجبنا كل حاجة واحدة واحدة لحد ما بقي مش ناقصنا حاجة ودلوقتي معانا عدي واياد وابني من جوزي الاول بيعامله احسن من اخواته وعمره ما زعله وكل طلباته مجابة خاصة بعد ما بقي يتيم لان باباه مات السنة اللي فاتت جوزي بقي هو ابوه وكل ماليه وعمره ما زعلني ابدأ وبيتقي ربنا فيا ربنا يخليه ليا
كنا صحاب ع حاجه زمان كده اسمها شات بيبسي قبل الفيس والكلام ده فضلنا صحاب من 2003 ولان في فارق سن بينا 6 سنين انا اكبر كنا بنحكي وبنهزر وبنتعامل اني اخته الكبيره لحد 11/4/2011 ومره واحده لقينا نفسنا قال ايه بنحب بعض ولان سنه صغير 23 سنه وعدني اننا هنبقي لبعض وفضل سنتين يشتغل ووفي بوعده واتخطبنا شهرين والحمد لله إتجوزنا بقالنا 5 سنين وربنا رزقنا بإبننا إمري ربنا يباركلي فيهم ويحفظهم من كل شر انت دعوة صالحه من ابويا وامي
اتعرفت عليه عن طريق الفون كان عِندى مشكلة مع الشركه اللي كان فيها وهو المدير اتصل يعتذر المهم عجبه كلامه وانا عجبني اسلوبه جدا جدا وكان نفسي ما يقفلش المكالمه المهم لقيته اداني رقم فونه ومن استعجالي كتبته ع شنطه خروج من عندى المهم لفت الايام وكلمني مره واحده وبعد كده مامتي توفت ما عرفش يوصلي الا بعدها بفتره ووقف معايا لحد ازمتي ما عدت وقالي انا بقولها للعالم ڱڵـه. انا بحبك وعمري ما حبيت حد زيك وبقالنا 14 سنه زواج وعمره ما غلط فيا وكان احن اب وزواج وصديق وحبيب وهو اهم شخص عندى بعد اخويا لما بتخنق من الدنيا كلها مش بلاقي غيره هو واخويا افضفض واحس براحه وجوده امان ف حياتي جدا جدا وفعلا وعدني واوفا بوعده معايا كوعد راجل عمري ما هتخلااه عنك ولا اسيبك وربنا يخليه ليه ويديله العمر والصحه
اتعرفنا علي شات فيستوك بالصدفه هيا كانت اول مره تدخل لكن انا كنت خربها في الشات بس مش عارف لقيت نفسي مشدود ليها اوي مش عارف ليه يمكن علشان حسيت انها شكلي في طريقه تفكيرى او طيبتها او خفه دمها مش عارف المهم لقيت نفسي بحبها اوي . هيا كانت رفضه موضوع الارتباط نهائي بتقولي مش عارفه انا اتعلقت بيك للدرجة دي ازاي ده لدرجه بلاقي اسمك قدامي في كل حته طلعه عن صحبتي لقيت اسمك علي الحيطه اللي جنب البوابه... بندور علي دكتور القي اسمك علي اليافطه .. المهم اعترفنا بحبنا بس مش هنقول بحبك غير لما نشوف بعض... غتاته بقا شوفتها وشافتني المهم اتصدمنا في بعض بهزر طبعا الصراحه طلعت اجمل من مكنت اتخيلها بمراحل اما بالنسبالي فهيا اتصدمت فيها بس عادي مبيهمنيش المهم قعدنا فتره مع بعض وحبيت اخد خطوه لقدام اتفقنا علي حاجات علشان هيا المفروض متعرفنيش خالص وعملنا شويه مغامرات لغايه ما كنت قاعد معاهم في البيت هيا وابوها وامها واخواتها.. الصراحه ناس طيبين اوي وناس تتحب بدون سبب رغم انهم حرموني منها... بس تاتي السفن بما لا تشتهي الانفس طبعا مافيش فيك سبب للرفض خالص غير اولا جرائتك وثانيا انت من بلد تانيه صعب نبعد بنتنا عن هنا لان ليها اخ وحيد... طبعا اتصدمت ومش عارف اعمل ايه وطبعا هيا بنت متقدرش تعند علي اهلها او حتي تقول انها تعرفني خصوصا لانهم من الصعيدي طبعا حولت ابعت ناس لكن اهلها مصرين علي موقفهم طلما مش هتقعد هنا... طبعا كل فتره تتكلم وتعيط وانا بردوا بس انا بكتم في قلبي علشان مزودش اللي هيا فيه وبفضل وانا اصبر فيها واقولها يا بنتي الحياة مبتقفش علي حد يا بنتي شوفي مستقبلك يا بنتي انا مافيش فيه حاجه مميزه اساسا انا مش عارف انتي بتحبيني علي ايه . طبعا هيا رفضه موضوع الجواز الارتباط وعندا على أهلها .. ربنا يسعدها يا رب ويحفظها من كل سوء ويسعدها دنيا واخره وتعدي المحنه اللي هيا فيها سواء معايه او مع غيرى ..
كان موضوع هزار واقلب جد ابن عم بابا رايح جاي يقولي عريسك عندي وانا اقوله شكرا مش عايزه ف جه ف مره معدي قالي العريس جاي الخميس لاقيت ماما وبابا بيقولولي عريس اي قولتلهم انا عارفه بقي رايح جاي يقولي عريسك عندي كبرو كبرو وكان النصيب بقي
ودى كانت جملة من التجارب والاراء للشباب من الجنسين على سؤالنا فى التجربة على موقعكم تجارب كوم انت كمان ممكن تضيف تعليقك على الموضوع فى الاسفل